**قصة حياة **بقلم محمود المزين//مجلة مقهى الادب

وبنراجع فى عمر أهو فات
وفى سنين ماشية زى القطر
بنتذكر حبيب أوقات 
وكام مرة عوجنا السطر
ونتذكر صبانا أهو مات
بمسدس لعبة .......ليلة الفطر
ضرب ست البنات بالذات
 ضحك صاحبى وقال نشنت

وبنراجع فى هم كبير
ودمعة طفل فى التعليم
بتملى دموعة مليون زير
لما قالوله..... انت يتيم
وقال يا رب حملى كتير
ودمعة عينى زى حميم
يا رب ارحم قلوب مكاسير
 وخد حقى يا رب رحيم

وفات العمر بين حكايات
ما بين يسر السنين او عسر
ولسه الجاى فيه اوقات
تكون عزة ودلال او كسر
ولسه بنهوى وصف الذات
سواء عشنا فى بيت أو قصر
وهنراجع حاجات وحاجات
 تكون داخل وخارج مصر