**أجمل واحدة ساكنة الارض **بقلم محمود المزين//مجلة مقهى الادب

ويمشى الليل 
ومن بعده يجينى الفجر 
ونتقابل انا وانتى 
ونرجع بعد كام يوم هجر
ده انا كائن عشان كنتى
 يا أجمل دعوة.......ليلة القدر
ده لو عايش أنا... فانتى
هوايا وأكسجين فى الصدر
انا عاشقك بنفس القدر
بعشق الناسك العابد
لوقت الفرض
بعشق الأرض للمية
وعشق النحل
لاجل الورد
بعشق ملاك وحورية
وعشق الشمس
ليلة برد
صحيح الحب كان غية
لكن حبك ده
عدى الحد
انا فى الحلم
ولا بجد ؟
وليه شايفك
ملاك ع الارض
وليه كل البنات دونك
سابوا عينيا
وأخدوا الطرد
باشوفك ماشى او نايم
بقت عينى
شاشات للعرض
بتعرض كل أفلامك
وبتعيدهم
اتاوة وفرض
انا باحلم يكون حالك
كما قلبى
بلون الورد
واكون ساكن فى احلامك
يا اجمل واحدة
 ساكنة الارض