وحشني الحضن والضمة
وحشني القاعدة واللمة
وأنتي
في وسطينا بتحوطي علينا
أنا لسه فاكر خوفك وقلقك
لوحد تعب فينا
ياما تعبتي وأيام سهرت
تدي علاج أو تغطينا
فاكر دعاكي وقت الادان
في الامتحان
بفضل دعاكي الصعب هان
ولما كبرنا وكل واحد راح
في مكان
كنتي تلمينا وتسألي علينا
وإن يوم الهم خدنا
وألا شكينا نيجي لحضنك
تتبططي علينا وتمسحي
دمعة سارحة في عيننا
وفي يوم طاف شبح الموت
حوالينا وخطفك من وسطينا
كان يوم فراقك يوم إفتراقنا
مانتي كنتي
الحضن اللي مدفينا
وحشاني ياما…
Aucun commentaire:
Enregistrer un commentaire