\\ طال البعد \\ --بقلم الشاعرعاطف عمر-- \\ مجلة مقهى الادب \\

** أيوه.... طال بعدك حبيبي.
** يلا هات أيدك فى أيدى .
** كنت بكتبلك رساله بدمع عينى .
** كنت ببصمها بشفايفى علشان تچينى.

** صورتك اللى بعتهالي على طول بحضنى.
** حالف انى ما أشيلها اللى بعد موتى .
** حالف انى اخدها هـ تنورلي قبري
** والله راح تنفع أكيد .وتهون فى صبري.

** انت طول العمر.كنت عليه غالي .
** عمرى ما توقعت بعدك لو ثوانى .
** كنت أشك بعد تحقيق الأمانى؟
**أنك تبيع ، انك تساعد فى انهزامى

** كنا فوق الرمل نبني .
** للبلابل كنا نصغي .
** كنا نجرى ولما نتعب كنا نجرى .
** كنا من كتر السعاده عيونى تبكى.

** كنا بنغمض نشوف الدنيا تضوى .
** حتى لو سمعنا الليل الذئب يعوى.
** حبنا كان أحلي شئ....... يطمن ويغني.