**مش انت يا قلبي**بقلم إسلام عامر//مجلة مقهى الادب

مش انت يا قلبي اللي تتحير 
مش هو ده اللي يجرحك 
ولا هو ده اللي يفرحك
انساه وحاول تتغير
مش انت اللي تسهر
طول الليل
بين آه وحيرة
وظلم وويل
وتشتكي منه
لقمر الليل
وتحلم بماضي
عدا وفات
وتوجعك وتألمك
الذكريات
مش انت يا قلبي
اللى تتحير
♡
مش انت يا قلبي
اللي اخترت
سلمت له وامنت له
وعاندتني وقررت
أشرب دوق من هجره
خليك لسة فاكره
خلاص انا اتغيرت
مش هفضل واقف مكاني
من هنا قفلت باب احزاني
من هنا غيرت
حياتي وعنواني
من هنا
هات اللي عندك
يازماني
مش انت يا قلبي
اللي تتحير
♡
إنسان مات فيه
الإحساس
إنسان ماعندوش
اخلاص
بيهد كل اللي بنيته
مش عارف ليه
يا قلبي
حبيته
♡
و
♡ الغدر ♡
الغدر كان فى عنيه
باين
الله يسامحه إنسان
خاين
نسي وعوده وجرح
وراح
خد معاه كل
الأفراح
وسابك حزين
غرقان
فى
جراح
مش انت يا قلبي
اللي تتحير