**فتاة أحلام**بقلم محمود المزين//مجلة مقهى الادب

لكل فعل رد فعل 
ولعيونك دول ما فيش 
جوه رمشك 
حاصدة جيش
اللى يتباهى بشبابه
يلقى منك سهم صابه
بعد منه ازاى يعيش ؟
واللى فات من جنب منك
هى نظرة فى قلب ننك
بمية سيجارة من الحشيش
اللى زيك ليه يعيش ؟
الضحايا اللى فى عيونك
من وجه قبلى وللعريش
اقفى ثانية ما تنكشيش
اللى عندك دول شفايف ؟
ولا مرمر جوه نيش
نفسى أحبك بس خايف
أبقى عايش مش باعيش
انتى ليه ما اتحبيتيش ؟
انتى اصلا م الملايكة
واللى زيك دول ما فيش
انتى أجمل وردة شايكة
وفى جمالك ما تلاقيش
ارحمى قلبى اللى حبك
اتركيه فى حضنك يعيش
نفسى أعيش طول عمرى جنبك
 فاعشقينى وما تخافيش