بس المقابلة ماكملتش حتى ثواني
يدوب سلام
وقالت سلام
ووعدتني إنه هنشوف بعض تاني
ومشيت بسرعة
وف لحظة غابت عن عينيا
كان نفسي تقعد معايا واحكيلها اللي بيا
جواي كلام كتير كان نفسي تسمعه
لكن خلاص
أنا عايز أعرف هي جات ليه من الأساس
جات عشان ترمي السلام
من غير ما يبقى في كلام
طب دا حتى في شرع الاحبة يعتبر اكبر حرام
ياريت ما جات
بقى هو دا اللي كنت مستنيه بقالي وقت فات
دي قالت لي رح نقعد ورح نحكي حكايات
أنا مش مصدق انه حصل وشوفتها
دنا حتى مالحقتش اشوف ملامحها وشها
انا عايز افهم
هو اللي حصل دا كان بجد
ولاّ أنا كنت بحلم
ولاّ كنت صاحي وكل دا كان تهيوءات
Aucun commentaire:
Enregistrer un commentaire