يوم عرسك
تنام ياوليدى
والنوم يخدك منى
جسمت ظهرى ياجليبى
وفراجك بعيد عنى
وااه وااه يابوى
على عريس
فى السماء
والحورية بتزفه
لعش الهنى
من بعد
فراجك ياوليدى
حرام على
الفرح من بعدك
عريس وفى
ليل عرسه
خده الموت منى
راح بعيد
ومافات ولد منه
يحمل إسمه
بس فات رسمه
على نن العين
مكتوب على الجبين
حزن الجلوب
ليوم اللجى
مع السلامة ياوليدى
ياللى مشيت
وأخدت معاك جلبى
ياروح وساكنة
الحشا من جوه
مشيت وتحت التراب
سكنتى ويا الأحباب
أمانة عليك ياوليدى
تجينى فى أحلامى
وتبلغ سلامى
لأحبابى وأصحابى
د الشوج ناروجايده
فى جليبى
والبعد عنهم كاوينى
إستنانى ياوليدى
لحين مايدبر
أمرى ربى
Aucun commentaire:
Enregistrer un commentaire