وابقى للموت
بعدك مامتت
شو فاركَتــــــــني
وكَتلي ما ابدلچ
حتى بالروح
روحك سالمه
بس بدلتني
وكلَت لازم اشوف
الضحكه بشـــفاچ
اضحكت
بس اعله جرحي
ضحكتني
وكَلت لازم اعيشك
جنة احـُـــًـلام
بنص جنة اجروحك
عيشتني
......
فاركَتج خفت عليچ
من كثر الحب أتموتين
وما دريت من غبت
أبسرعة عفتيني
وبدلتي روحي بألف روح
بيا وجه جيتي
وبعد الهجر تعاتبني
جرحتيني واضحكتي
على دماي من سالت
ومن اتطشرت
و انتظرتچ تلميني
بس درت وجهي
و كَتلچ
الله يرعاچ
لكيتك الغيري تحبين
و ألي نسيتني
يالتعتبي علي
َّ ابعدت عنچ
وردتچ اتعيشين
ماظنيتچ أتعيشين
من دوني
هو الوكَت هيچي صار
لو لحظة غبت
بالاحتياط تخليني
ما خنت لا و اللّه
و لا لغيرچ
ما حلت عيني
كَولي چنت العب وياك
و لا بالأمل تخليني
يمكن اكَدر انساچ
و للموت أعد أيامي
و سنيني
Aucun commentaire:
Enregistrer un commentaire