**فراق**بقلم حسن حفني//مجلة مقهى الادب

عدت سنين الآه 
والتوهه في التنهيد
صاح القسي أذن 
حزنك ما لوش
مواعيد...،
...
حان الوجع موال
عزف النشيد وقال
معزوفه بهتانه
والغنوه مليانه
بالحرقه والتنهيد
........ ؟
يا صبر خد سكتك
والعمر من بدري
يسرق في يوم
ضحكتك....،
وانت ولا ب تدري
شخبط على الحيطان
لخبط ب طبشورك
و رسمت منشورك
لوحة أمل تجاعيد
..........
كتب القلم آيه
و وقف على الكلمه
والشرح جوايا
والعزم والهمه
والدرس في القمه
والمعني خط الإيد
.........
ناظر زعيم فرقه
عامل كما الموسيقار
و ف دفتري تلقى
شتى العلوم أسرار
والنشئ عامل زار
وعصاي مش بتفيد
...........
يا بيتي مال الجفا
عشش على دروبك
من بعد حضن و دفا
بتهش محبوبك
ده انا منك انت اكتسي
وشي ملامح صبر
وزرعت فيك التمر
طرح المرار عناقيد
.........
أمشي أروح على
فين......؟
يا عش انا طيرك
عايش بقالي سنين
معرفش انا غيرك
والصحبه كانت قلم
والفرقه زادت ألم
و اكتافي من
خيرك
نطقت تحية العلم
و حكي القلم
أناشيد
...........
شكرا يا ست الناس
يا معلمانا الويل
العلم كان في الرأس
أصبح قليل الحيل
وسهرت ليكي الليل
لما أنحني
ضهري
وشبعت من
قهري
م الشرح والتمهيد
...........؟
يا سنيني عزيني
عمري ما كنت
سعيد..،،،
وال وحدي خليني
أعيش بقيها وحيد
يا صحبه زوروني
مره ولو في العيد
مره...،ولو في العيد
..............
.......؟