** عاشق جمال النبي **
ولما رحت المدينــــــــــة
أصلي وسلم عليــــــــــــه
واشوف حمام المديــــــنه
في السما حواليـــــــــــــه
وعند باب النــــــــــــــبي
شوفت الحجــــــيج تناجيه
في الروضه أنوي الصلا
واختم وصلي عليـــــــــه
لاّخر يـــــــــــوم في اللُقا
مش عارف جرى لي إيه
أسأل روحـــــــــي مالك
جرى لك إيـــــــــــــــــه
قالت :
عاشقه جمـــــــال النبي
والعشق كيــــف نداويه
وانت يا قلبــــــــي كدا
مكســــور جناحك ليه
وانت يا عــــــيني كدا
الدمــــــــــع نازل ليه
فالوا:
كنا فــــــــــي أرضنا
كل يـــــــــوم نناديــه
وجينا بشــــوقنا وحبنا
ورجعنا تاني بيــــــه
لو عشنا هنا عمـــرنا
شوقنا ما هنطفيــــــه
يطوى المكــــــــــان
يفنى الزمــــــــــــان
وحبنا للحبـــــــــــيب
الدهر ما يكفيـــــــــه
الدهر ما يكفـــــــــيه
Aucun commentaire:
Enregistrer un commentaire