يُفط كتيره ومتخططه
ألوان كتيره ومتظبطه
ألونها جذابه من بره
وأحولها حزابه من جوه
يُفط يُفط يُفط
شوارعنا مليانه يُفط
تلاقيها دايره وما ترويش
وهى ساقيه ومابتسقيش
بتخدع الحرافيش
وتطاطى للبقشيش
يُفط يُفط يُفط
شوارعنا مليانه يُفط
أدوتها كامله ومتحبكه
وبنودها طبخه ومتسبكه
وأورقها جاهزه ومتفبركه
للعرض على التفتيش
وتقريرها يخدم الحرافيش
ولو مفيش بقشيش
يختموها بفرش حشيش
Aucun commentaire:
Enregistrer un commentaire