**وحشتينى**بقلم حسن حفنى//مجلة مقهى الادب

وحشتينى
يا أحلى ما رأت عينى
اقول الآه
تعالى بسرعه وداوينى
وحشتينى
بحبك من زمان والله
وفي بعادي
نار الشوق ب تكويني
يا قمرايه
وبتنور لياليا
يا واخداني
و واخده كل ما ليا
يا سحرانى
و فايته حيرتى ليا
تشاوريلى
ب لحظه ياروحى تلقينى

وحشتينى
يا أجمل نجم ف سماك
يا قلب حنين
وعين الله ب ترعاك
يا ننى عيونى
يسلم إللي سماك
يا ساكنه
جوه أحشائي وتكويني
شغلتينى
يا أول حب ف حياتى
سكنتى شوقى وحنينى
وآآهاتى
وببعتلك تحياتى وسلاماتى
يا شاغله
كل أشعارى ودوواوينى

ياخمريه
يازهره فى جبل عالى
يا ورديه
راضينى يا أمل حالى
يا مولاتى
يا دره والتمن غالى
انا شارى
يا فرحة دنيتى ودينى
,,,,,,,,,,,,,
وحشتينى,