**اشربها**بقلم:شيماء الدالى//مجلة مقهى الادب

جاى يقولى مدايق
وال تعبان ومش رايق
بيقول مكسور
وكمان مقهور
ليه ما قلت انك فايق
راجع يندم على قراره
شوف ايه جواك
اللى اختاره
من العين للقلب تتحس
ومن العين للعقل تتفهم
قدرت ازاى المشهد
وايه خلاك تتهم
متجيش تخبط على بابى
اعذرنى انا عندى اسبابى
ده المكتوب
بلاش هروب
اوعى دلوقتى
تقول مغلوب
غلط الغلطه انت اشربها
بس ياريت تفهم اسبابها
بلاش تشكيلنا
ليه بتحكيلنا
يعنى جاى تفتكرنا
بعد خرابها
طريقك دايما مزحوم
بحجات كتير مش هادفه
من حفره لحفره بتكمل
والحاجه الصح معاك صدفه
خليت قلوبنا فتافيت
وعلينا ياما قسيت
تقدم كسره
وراها حسره
وتيجى تقول حنيت
وفر مجهودك وكفايه شرح
كل شئ رافض يسمعك
تمن افعالك جه وقته
ولا شئ باقى هيرجعك