تقولي عرفني ايه ماضيك
ولا اقولك ابصملي عشره
يمكن في يوم توثقني فيك
اوعاك تكون لك عينين
خلي بالك قلبي فريك
.....
عايزاك حبيبي تلبس لي كاجوال
وتقص شعرك عرف ديك
وتقولي بحبك كتير تملي
عايزه احس ان كلي ليك
يارب تعمى وتكون مكسح
لو يوم عرفت بت شيك
......
عايزاك تقولي يا احلى مزه
واني تملي مليه عينيك
ولو غبت عنك تضل صاحي
جمال عيوني مايغيب عليك
وتكتب لي وتقولي فون
عملت ايه يا أحلى شريك
......
كنت فاكر اني عبيطه
هنام واقوم وانا واثقه فيك
دا امي قالت لي من يوم وعيت
لا تأمني راجل ولو قال شبيك
ولا تتنازلي عن بعض حقك
أو تقولي انا بين ايديك
.......
قصقصي ريشه من يوم يجيك
كتبيه عن عمره ليك
وبيني له عينين متابعه
وقولي له قلبي يراضيك
ماتزعل حبيبي دنا كلي ليك
Aucun commentaire:
Enregistrer un commentaire