يا ليل طويل ومالوهش صباح
بعدين كفايه ا تعبنا جراح
بعدين كفايه ا تعبنا جراح
الخلق فرحت قالوا زمان
واحنا عيشتنا ف بكا ونواح
واحنا عيشتنا ف بكا ونواح
الحب كان أيام الست
شعور جميل والقلب براح
شعور جميل والقلب براح
و تقول أمانه ياليل طول
تعشق لديك الفجر صياح
تعشق لديك الفجر صياح
ايام جميله ما ليها مثيل
لو طاله م المحبوب ترتاح
لو طاله م المحبوب ترتاح
دلوقت أصبح خبث × خبث
والنت طبعه سداح في بدأح
والنت طبعه سداح في بدأح
لا تقول مشاعر ولا إحاسيس
و في شرعه أصبح كله مباح
و في شرعه أصبح كله مباح
الليل بطوله على الشاشات
لو بس غمزه تشد سلاح
لو بس غمزه تشد سلاح
والسهوكه اتعملت صفحات
و الإكس إن تمللي متاح
و الإكس إن تمللي متاح
لا تقول بلاس تمنطاشر 18
ولا حتى رمز مالوش مفتاح
ولا حتى رمز مالوش مفتاح
نسينا فرض وعيب واخلاق
ضاع الشرف من بدري وراح
ضاع الشرف من بدري وراح
الحشمه بقيت معيوبه
والإحترام من ضحكه اتزاح
والإحترام من ضحكه اتزاح
لا شبابنا قادر يتجوز
و لا لاقي مره لنفسه براح
و لا لاقي مره لنفسه براح
و البنت ليل نهار ع الفيس
عايزه تلاقيلها عريس مرتاح
عايزه تلاقيلها عريس مرتاح
يا زماننا طفحت وجابت جاز
ما ليها طاقه كفايه جراح
ما ليها طاقه كفايه جراح
يا ناس تعبنا من الآخر
ورونا يوم سكة لأفراح
ورونا يوم سكة لأفراح
يا دنيا نعمل أيه فيكي
عفنتي ليه و قرفك فاح
عفنتي ليه و قرفك فاح
صدق اللي سماكي رديه
زمن الأمل أهو ولا وراح
زمن الأمل أهو ولا وراح
مين اللي قال الصبر جميل
والعمر عدى ما شفنا نجاح
والعمر عدى ما شفنا نجاح
يا ليل طويل ما كفايه ألم
ما تعدي يللا وغور وانزاح
ما تعدي يللا وغور وانزاح
يا شمس يا منوره عيشي
ما تغيبي أبدا مسا وصباح
ما تغيبي أبدا مسا وصباح
Aucun commentaire:
Enregistrer un commentaire