lundi 20 août 2018

** الأضاحى**بقلم حسن رمضان//مجلة مقهى الادب


صبح الخروف غالى ..... مش قادر تشتريه
وقفت تقول ياعالم ..... طيب هضحى بإيه ؟!
..................................................
أنــا عندى كــام اقتراح ...... ممكن تلاقى بديل
وساعتها تكون ضحيت ..... خد من كلامى دليل
..................................................
ضحى بإبليس ومكــــره ..... خلى الإيمان حقيقى
وإن وسوس لك فى يوم .... قــوله إلهـــى رفيقـى
...................................................
ضحى بخصام لجارك ..... أو صاحبك أو قريبك
إزاى بتقــول يامسلــم ........ بعبـد والكُـره عيبك
..................................................
ضحى بأنانية عندك ....... ولابد تحب غيرك
عيش للمجموع تلاقى ..... كل الناس بتناديلك
.................................................
ضحى بإهمـال وجــوِّد ....... واتقـن عمـلك لبلد ك
وساعتها الرزق ييجى ...... والناس هتقـول يابختك
.................................................
ضحى بإدمان سيجارة ....... يلا اتحكم فى نفسك
وفَّـر صحــة وفلـوسك ....... تنفــع زوجتك وإبنك
.................................................
ضحى بحقدك وحسدك ..... وغـــلك والخيانة
خليك مشغول فى شُغْلك .... واتمتـع بالأمانـة
.................................................
ضحى بدنياك وخلى .... الآخرة عنيـــك عليها
تغنم الاتنين وتسعد ..... والجنة هتبقى فيهـــا
à

Aucun commentaire:

Enregistrer un commentaire

Inscription à : Publier les commentaires (Atom)

**ريشة في مهب الريح**بقلم الشاعرة سوسن خيو//مجلة مقهى الادب

سأكتبك اليوم بشكل آخر  سأعيد بناء ما دمره الفراق  واكتبك بشكل يليق بحب ك حب الأساطير القديمة سأعيد تشكيل حروفي وأفصلها ثوب من كلمات غزل أض...