خليك جدع
راجل لا يمكن ينكسر
وما تحسبهاش
مين اللى ميت
ومين اللى عاش
ومين اللى ضحى
ومين خسر
قلبك وصل
واستقوى بالشوق
ع المحن
لو يوم خسر
بيعدى أوقات
الشجن
وفى سمفونية الحياة
ألف حسرة وألف آه
اختار تكون رغم الظنون
عصفور جميل تسمع غناه
او عيش مافيش
مقصوصله ريش
كالطفل لو لسه فى حباه
الفجر شقشق
قوم معاه
وارميها على باب الكريم
لبى نداه
استغفر الله العظيم
انا قلبى تاه
يا رب همشى مستقيم
واطلب حماه
نجينى من غدر اللئيم
وابعد خطاه
خلينى دايما فى السليم
واكفينى دوامة الحياة
Aucun commentaire:
Enregistrer un commentaire